張敬軒家傭創新猶芥蘭扮西蘭花？ 網民撐姐姐冇買錯軒仔長知識

張敬軒家中有一個廚藝非凡嘅外傭姐姐，軒仔之前因為每日Post姐姐整嘅早餐而成為「早餐界KOL」。不過經過軒仔媽媽調教之後，近月軒仔都好少post出姐姐整嘅「創新料理」，正當大家都以為佢要退出早餐KOL界嘅時候，日前佢又再分享佢嘅「驚喜」早餐。

同場加映： 360秒人生課堂丨林盛斌高EQ全靠人生經歷累積 豁達面對負評意外為仔女「打底」

{{hket:ul-video id="5606"}}{{/hket:ul-video}}

軒仔Post出一條短片，片中有一碟早餐，入面有蘑菇炒紅椒翠肉瓜同埋焗到金黃色嘅雞翼，另外仲有一啲好似西蘭花嘅綠色蔬菜，軒仔留言:「今朝有個online meeting, 所以噚晚同佢（姐姐）講定今日唔使整午餐，早餐豐富啲就得了。佢問『蛇， do you want some veggie （Sir，想唔想食啲蔬菜）』，我話 『Yes pls⋯⋯ May I have some broccoli ?（我呀，我想食西蘭花）』遮 『Of course 』好喇咁我就放心去瞓啦係咪？」

{{hket:inline-image name="278674430_155464770272411_8915859661903553101_n.jpg"}}{{/hket:inline-image}}

軒仔話自己第二日滿心歡喜咁埋枱，但就硬係覺得碟餸有啲怪怪哋，但係又講唔出怪喺邊度，跟住問姐姐:「Errmmm… hi … the broccoli looks a bit different than…（呢舊西蘭花好似唔多對版）」 姐姐就好開心咁笑住話： 「Yah, it’s Choi Sum, but i cut it, looks the same （係呀呢個係菜心（其實係芥蘭）嚟，我切到佢同西蘭花一樣樣。）」

軒仔話姐姐廚藝經媽媽喺香港嗰三個月嘅訓練後突飛猛進，講笑話唔知係咪因為復活節，令到佢蘊藏喺心入邊好耐嘅創意又再「復活」。好多網民都話姐姐非常爆笑，幫軒仔添生氣；不過有網民就指出原來擺烏龍嘅係軒仔：「呢個堅係西蘭花……但係係混合體！」、「菜檔叫佢做西蘭花苗」、「嗰啲好似真係西蘭花嚟㗎喎，不過係唔同樣咗少少……Sir，唔好錯怪遮遮啦。」

其實姐姐買嘅係「澳洲西蘭花苗」，係類似西蘭花嘅綠色蔬菜，但其花頭更小更長、莖部較幼，味道更溫和甜美，經常有人以為佢係未長成嘅西蘭花，但其實佢係西蘭花同芥蘭嘅混種。換句話講其實軒仔同姐姐都錯唔晒喎，打和啦！Super！

不過呢單嘢姐姐由頭到尾都當所有蔬菜係菜心咁買，都真係貫徹番佢個喜感人設，同阿Sir一齊蝦碌到尾，娛樂大家。軒仔錯就認，打就企定，最後自嘲見識少，自封「四體不勤五穀不分」張敬軒。

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】